हरि ॐ । जीवन विज्ञान अमेरिकाको प्रथम वार्षिकोत्सवका अवसरमा जीवन विज्ञान प्रतिष्ठान नेपालको एक दशकका विविध ऐतिहासिक अभियानहरूसहित जीवन विज्ञान अमेरिका र जीवन विज्ञान युकेले स्थापनाको एक वर्षभित्र सम्पन्न गरेका विभिन्न कार्यक्रमहरूको सङ्कलन गरी एक पुस्तक प्रकाशन गर्न लागिएको व्यहोरा सबै साधकहरूमा सगौरव जानकारी गराउँदछौँ ।
श्रद्धेय सद्गुरूवरद्वयका स्ववाणी तथा जीवन विज्ञानका व्यावहारिक साधनालाई नेपाली पुगेका विश्वका सबै ठाउँमा विस्तार गर्ने तथा सबै धर्म, जात, रङ्ग र सम्प्रदायलाई समेट्ने गरी नेपाली ब्रह्मदूतका माध्यमबाट सुख, शान्ति र समृद्धिप्राप्ति गर्ने जीवन विज्ञानको व्यावहारिक महाज्ञानलाई विश्वभरिका अन्य भाषा र जातजातिमा पुयाउने उद्देश्यले जीवन विज्ञान अमेरिकाको स्थापना भएको हो । यही पुनित कार्यलाई विस्तार गर्ने क्रममा ऐतिहासिक अध्ययन गर्न भोलिका नवपुस्तालाई सजिलो होओस् भनी जीवन विज्ञान अमेरिकाले यो ऐतिहासिक स्मारिका पुस्तक प्रकाशन गर्न लागेको हो ।
जुमका माध्यमबाट वा जीवन विज्ञानको साधनास्थल नेपाल गएर श्रद्धेय सद्गुरूवरद्वयका साथ साधना गर्नुभएका साधकहरूले अनुभव गर्नुभएका आफ्नो शारीरिक र मानसिक तथा भावनात्मक रूपान्तरणका अनुभूतिहरूलाई समेटेर बढीमा ४०० शब्दसम्म (नेपाली वा अंग्रेजी भाषामा) लेखेर यही नोभेम्बर ५ तारिखसम्म तलको इमेलमा लेख र आफ्नो तस्वीर पठाउनुहुन आह्वान गरिन्छ ।
यस गौरवमय कार्यमा तपाईं पनि हिस्सेदार हुन सक्नुहुनेछ । यस पुस्तकको प्रकाशनका लागि आवश्यक आर्थिक स्रोतका लागि यहाँले ऐच्छिक रूपमा सहयोग गर्नुहुन विनम्र अनुरोध गर्दछौँ । व्यक्तिगत रूपमा प्रकाशन सहयोग गर्न न्युनतम रकम अमेरिकी डलर २५/-, व्यक्तिगत शुभकामना सहयोग न्युनतम १००/- अमेरिकी डलर पठाउनुहुन अनुरोध गर्दछौँ । साथै आफ्नो व्यवसायिक प्रवर्द्धनका लागि सामग्री प्रकाशन गर्नका लागि देहाय अनुसारको रकमको प्रतिबद्धतासहित विज्ञापन गर्ने सामग्री पनि पठाइदिनुहुन विनम्र अनुरोध गर्दछौँ । सहयोग पठाउने अन्तिम दिन नोभेम्बर १०, २०२१ सम्म ।